PIAARTUMIK perorsaaSUMIK ASSINGUSUMILLUUNNIIT ILINNIAGALIMMIK SULEQATISSARSIORPUGUT.

PITU ulloq unnuarlu angerlarsimaffiuvoq Nuummi angerlarsimaffeqartoq, meeqqanut 24-inut inissaatilik, immikkoortortaqarfeeqqanut arfineq pingasunut agguataarnikunut.

Suliffeqarfiup sullitarivai meeqqat inuusuttuaqqallu qatanngutigiiaat 0 – 18-inik ukiullit.

Pingaarnertut siunertaavoq akuersaartuuneq aallaavigalugu toqqissisimanartumik aalajaatsumillu sullissinissaq, angerlarsimaffippalaartumik avatangiiseqartitsinissaq.

Illit tassaavutit inersimasoq, perorsaasutut assingusumilluunniit ilinniagalik inulerinermik misilittagaqarluartoq, meeqqanik sullissinissamut paasisimasaqarlunilu piumassusilik, 25-t sinnerlugit ukiulik.

Ataani piumasaqaatit aallaavigalugit sulisinnaavutit:

* Sullitagut pillugit sulerusussusilik

* Imigassamik allatigulluunniit atornerluisuunermik ajornartorsiuteqanngitsoq

* Sullissivissamut ataqqinnilluni takkuttuarsinnaasoq.

* Sullitanut suliffeqarfiullu piumasaqaataanut maniguuttoq

* Assigiinngitsunik arlalinnik suleqateqarsinnaasoq

* Tarnikkut timikkullu peqqissoq nukittoorlu

* Aalajaatsumik pissuseqartoq tatigineqarsinnaasorlu

* Akisussaaffimmik tigusisinnaasoq qanilaartorlu

* Killiliisinnaasoq maligassiuisinnaasorlu

* Naatsorsuutigineqarsinnaasoq

Meeqqat sullinneqartarmata, meeqqat takuneqarlutik, tusaaneqarlutik, ataqqineqarlutik akuerineqarlutillu sullinneqarnissaat pingaartitaraarput.

PITU ulloq unnuarlu angerlarsimaffiummat suliffiit Pisortat Aqutsisullu aaqqissuussaat nikerartuupput unnuarsiorfiusarlutillu, agguaqatigiissillugu minnerpaamik (unnuarsiornerit ilanngullugit) sap. ak. akunnerit 40-t suliffiusarlutik.

PITU-mi sulineq inuttut ineriartornartuuvoq.

PITU-mi sulisut qaammatit tamaasa pikkorissarneeqqanut peqataatinneqartarput kiisalu sulinertik pillugu siunnersorneqartuartarlutik.

Sulisut aalajaatsuupput, tunniusimasut, sullitanut soqutiginittut aalajaatsullu, meeqqat pillugit tassaniittut. Taamaattumik inuttut ineriartorfiunera misigalugu sulinermik soqutiginnittuuguit immaqa tassaavutit illit suleqatigiligassarput.

Qinnuteqarfissaq: PIAARTUMIK

Qulaani taaneqartut ilinnut naleqqussorigukkit qinnuteqaat uunga nassiussinnaavat: pitu@pitu.gl

Qinnuteqaatinnut ilanngullugit nassiutissapput makku:

Ilinniarsimanermut uppernarsaat

Oqaaseqaatit

Pinerlussimannginnermut uppernarsaat