PITU-mi sullissatta ilaasa pisariaqartitsinerat allanngormata perorsaasutut assingusumilluunniit ilinniarsimasunik amerlanernik pisariaqartitsileqqavugut, taamaattumillu sulisussarsiorluta.
SULIFFIK PILLUGU:
PITU ulloq unnuarlu angerlarsimaffiuvoq Nuummi inissisimasoq, meeqqanut 22-inut inissaatilik, qatanngutigiiaanut immikkoortortaqarfiit arfiniliullutik.
Sullitagut qatanngutigiiaat 0 - 18-llu akornanni ukioqarput.
Siunertaavoq toqqissisimanartumik aalajaatsumillu angerlarsimaffiunissaa, angerlarsimaffippalaartumik avatangiiseqartoq aalajaatsunik misilittagartuunillu sulisulik.
Illit tassaavutit perorsaasutut assingusumilluunniit ilinniarsimasoq ukiunilu arlalinni ulloq unnuarlu angerlarsimaffimmi sulinermik misilittagaqarluartoq.
Sullittakkagut tassaapput meeqqat toqqissisimaqqissaartinneqarnissamik aalajaatsuuffigineqarnissamillu annertuumik pisariaqartitsisut. Taamaattumik pingaartitatta annersarivaat tamanna.
Ataani piumasaqaatit aallaavigalugit sulisinnaavutit:
* Suliffimmi piumasaqaatinut naleqqussallaqqissoq
* Meeqqat pillugit sulerusuttoq
* Attaveqaqatigiinnermut piginnaasaqartoq
* Ataatsimut isiginnissinnaasoq
* Akisussaaffimmik tigusisinnaasoq qanilaartorlu
* Killiliisinnaasoq maligassiuisinnaasorlu
* Inunnik suleqateqallaqqissoq
* Tutsuiginartoq aalajaatsorlu
* PITU-mi pingaartitanut naleqartitanullu naleqqussarsinnaasoq
* Peqqissoq, tarnikkut timikkullu sanngisooq, naatsorsuutigineqarsinnaasorlu
* Imigassamik ikiaroornartumillu atornerluisuunngitsoq
* Suliffik aqqutigalugu inerikkiartorusussuseqarneq
PITU ulloq unnuarlu angerlarsimaffiummat suliartortarfiit nikerartuupput unnuarsiornertallit pisortanit aaqqissuunneqartartut, suliffiulli sivisussusaa agguaqatigiissillugu sapaatip akunneranut akunnerit 40-pput.
Atugassarititat:
Suliamut naleqquttumik akissarsiaqartitaaneq.
Neqeroorutigaarput:
Sulisut pitsaasumik atugassaqartinnissaat ineriartoqqinnissamullu periarfissiinissaq. Sulinermut atatillugu qaammat allorlugu sulisut psykologimut supervisionertarput. Sullitat pillugit sulisut qaammammut ataasiarlutik Psykologimut behandlingsmødeqartarput saniatigullu meeqqat misigissutsikkut atugaat pillugit immersorneqartarlutik. Sullitat pillugit ataavartumik sullissinermut atugassanik sakkussanik tuniorarneqartuartarnerup kinguneranik inuttut ineriartorneq anguneqartartoq takussaajuartarpoq.
Aalajangersimasumik sulisut tamarmik peqqinnissaat pillugu sillimaserneqartarput atilimmik: Codan Care.
Annertunerusumik paasisaqarusukkuit ulluinnarni nal. 10.00 - 14.00 akornanni
38 18 71-imut sianerlutit Immikkoortortaqarfimmi aqutsisumut tullersortaanulluunniit paasiniaasinnaavutit.
Qinnuteqarfissaq:
Piaartumik.
Qulaani taaneqartut ilinnut naleqqussorigukkit qinnuteqaat uunga nassiussinnaavat: pitu@pitu.gl
Atorfimmut atatillugu inissaateqartitsinngilagut.
